Республика халҡы ҡулланыусылар хоҡуҡтарын яҡлау хеҙмәтенә йышыраҡ мөрәжәғәт итә башлаған

Башҡортостан халҡы Рәсәй ҡулланыусылар хоҡуҡтарын яҡлау хеҙмәтенең Республика идаралығына йышыраҡ мөрәжәғәт итә башлаған. Уҙған йылда ведомство 6 мең 816 кешенән ғариза ҡабул иткән. Был 2010 йыл менән сағыштырғанда 3 тапҡырға күберәк. Халыҡты күберәген торлаҡ-коммуналь хужалыҡ, иҡтисад, элемтә, туристик өлкәлә хеҙмәтләндереүҙең сифаты борсой. Ә туҡланыуҙы ойоштороу һәм аҙыҡ-түлектең сифатына бәйле ялыуҙар, киреһенсә, кәмегән.